Ketu i postoni te gjitha lajmet rreth sportit nderkombetar ..

Skolari fton Ronaldinjon në Çelzi

Tabloidi londinez "The Sun" ka bërë të ditur se trajneri i Çelzit, Luis Felipe Skolari, e ka telefonuar brazilianin Ronaldinjo dhe e njoftuar se klubi i tij është i gatshëm t'i ofrojë 17.4 milionë funta për kontratë trivjeçare, kurse Barcelonën për realizimin e këtij transferimi do ta paguante 15 milionë funta.
Ofertën më të mirë për brazilianin e ka paraqitur Mançester Siti, që ka ofruar 25 milionë funta, por Ronaldinjos nuk është duke i pëlqyer aventura në këtë klub. Largimi i Ronaldinjos nga Barcelona duket se është punë e kryer, pasi ai nuk është paraqitur fare në stërvitjet e skuadrës, por dilema e vetme mbetet se cili do të jetë klubi i tij i ri. Gjithsesi, Milani mbetet opsioni më i mundshëm, pasi duket se edhe dëshira e lojtarit për ta veshur fanellën kuqezi nuk mungon.

Mutu i kënaqur me Fiorentinën e “re”
Përfaqësuesi i kombëtares rumune, Adrian Mutu, mbrëmë ka arritur në Itali për t’iu bashkuar ekipit të tij dhe ka thënë se vërtetë i pëlqen Fiorentina e re.
Sulmuesi rumun, pas një sezoni të shkëlqyeshëm, këtë verë është cak i shumë ekipeve italiane. Megjithatë negociatat për kontratë të re dhe refuzimi i presidentit të klubit për t’u përgjigjur në kërkesat e sulmuesit, mund të shkaktojnë pakënaqësi tek Mutu si dhe kalimin e tij në Romë.

“Do të shkoj ta kryej punën time. Në mëngjes duhet t’i kryej testet mjekësore dhe pastaj, pasdite t’i bashkohem ekipit në stërvitje. Më pëlqen Fiorentina e re, por do të shohim se s’i do të duket kjo në fushë”, ka thën Mutu.

Del Bosque sot prezantohet si përzgjedhës i ri i Spanjës?
Mediat spanjolle kanë përcjellë lajmin e se ish-trajneri i Real Madridit, Vicente del Bosque, sot do të caktohet në detyrën e përzgjedhësit të ri të kombëtares spanjolle.
AS ka shkruar se sot, bordi i Federatës Spanjolle të Futbollit ka takim në të cilin do të merret vendimi për emërtimin e Vicente del Bosque për trajner të ri të Spanjës.

Ish-trajneri i Real Madridit, do të vijë në stolin e Spanjës pas propozimit të presidentit të federatës, Angel Villar, dhe do të pasojë Luis Aragones, i cili pas triumfit në Euro 2008, kaloi në radhët e Fenerbahces.

Del Bosque thuhet se do ta drejtojë Spanjën për dy vjet, saktësisht deri në fund të Kampionatit Botërorë, që luhet në Afrikën e Jugut në vitin 2010. Pritet që Del Bosque të prezantohet para mediave gjatë të enjtes.

Poulsen: Dua ta befasoj publikun italian
Ish-mesfushori i Sevillas, Christian Poulsen, i cili arriti tek Juventus për 10 milionë euro, ka thënë se është i ngazëllyer me këtë transferim dhe se shpreson të befasojë.
“Shpresoj ta befasoj publikun italian, i cili më konsideron si një lojtar të ashpër, duke dëshmuar se kam aftësi të mira teknike. Do të kem kohë të dëshmohem dhe t’ju jap njerëzve opinion më të mirë të Poulsen”, ka thënë danezi.

“Sevilla ishte një përvojë e shkëlqyeshme, por tash jam krenar që jam në Juventus. Jam shumë i kënaqur që jam pjesë e një klubi aq prestigjioz. Juventus është një prej ekipeve më të rëndësishme në botë dhe shpresoj t’ia dal mirë. Unë jam mesfushor defansiv, por po ashtu mund të luaj në një pozitë ca më të avancuar”, ka shtuar Poulsen.

Chelsea i ofron marrëveshje të re Drogbas
Chelsea është duke u përgatitur t’i plotësojë të gjitha kërkesat e Didier Drogbas dhe ta vazhdojë qëndrimin e sulmuesit të Bregut të Fildishtë në Stamford Bridge edhe në sezonin e ardhshëm.
The Sun ka shkruar se blutë janë duke përgatitur ofertë katërvjeçare për Drobgan, me një pagë javore 130 mijë funte, që është përafërsisht dyfishi i asaj që ai e fiton për momentin.

Pas largimit të Mourinhos, vazhdimisht qarkullonin fjalë për një largim të Drogbas nga Chelsea, ndërsa edhe vet futbollisti në disa raste e ka shprehur dëshirën për t’u larguar nga klubi.

Klubet të cilat janë të interesuar për Drogban janë Real Madrid, Inter dhe Milani, ndërsa ditëve të fundit, kishte edhe spekulime të cilat thoshin se lojtari mund të rikthehet në Marseille.

Por, menaxheri i ri i Chelseat, Luis Felippe Scolari, dëshiron që me çdo çmim ta ketë sulmuesin në përbërjen e tij edhe në sezonin e ardhshëm, ashtu që Abramovich është i gatshëm t’i plotësojë kërkesat e Drogbës.

Sulmuesi i bluve, si dhe mesfushori i përmendur shumë për largim në drejtim të Interit, Frank Lampard, së fundi i janë bashkuar pjesës tjetër të ekipit në turneun në Lindjen e Afërt.

Mourinho interesohet për Da Costa
Kampioni i Italisë, Interi, është i gatshëm të diskutojë një shkëmbim me Fiorentinën, në vend të shitjes së Nicolas Burdissos.
Fiorentina është e interesuar për shërbimet e argjentinasit Burdisso, ndërsa siç ka shkruar Corriere dello Sport, Interi mund të kërkojë Manuel da Costan si shkëmbim.

Jose Mourino thuhet se është adhurues i mbrojtësit portugez të Fiorentinës.

Guardiola: Henry do të luajë si sulmues
Trajneri i ri i Barcelonës, Josep Guardiola, ka deklaruar edhe njëherë se ai planifikon që Thierry Henry të luajë në pozitën e sulmuesit, gjatë këtij sezoni të tij të parë.
“Pres shumë nga ai. Kam folur me të, ai e din se viti i tij i parë nuk ishte i lehtë dhe ende pritet që ai të shënojë shumë gola. Kam shumë besim dhe dëshiroj t’u jap rast që të dyve, atij dhe Bojan Krkic”, ka thënë Guardiola.

“Henry mund të luajë në të dyja pozitat, numër 9 ose si anësor, por ne do të provojmë që ai të luajë si sulmues i qendrës”, ka shtuar trajneri i Barcelonës.

Robinho lakmon Chelsean
Sulmuesi brazilian Robinho, ka thënë se do të ishte “ëndërr”, nëse ai i bashkohet Chelseat gjatë kësaj vere, duke bërë kështu një rikthim të papritur, pas deklaratave të mëhershme ku tha se dëshiron të mbetet në Real Madrid.
“Do të ishte një ëndërr për mua të punoj me Luiz Felipe Scolarin, i cili është një prej trajnerëve më të mirë në botë. Gjithmonë kam folur për të dhe ai gjithmonë ka folur mirë për mua, që para se të ishte në Chelsea”, ka thënë Robinho.

“Madridi ka dështuar ta vlerësojë atë siç e meriton, dhe nuk më pëlqen fakti që ata përpiqen ta përshijnë në marrëveshjen e Ronaldos. Paratë nuk janë problem për ne tash. Ajo çfarë është e rëndësishme për Robinhon është që të largohet nga klubi dhe të luajë për Scolarin në Chelsea”, ka thënë agjenti i sulmuesit, Wagner Ribeiro.

Inter kthehet kah David Silva?
Mediat italiane kanë shkruar se Mourinho ngadalë është duke e humbur durimin për transferimin e Quaresmas dhe i ka kthyer sytë kah David Silva.
Corriere dello Sport ka shkruar se Interi po e largon vëmendjen nga Ricardo Quaresma, pas shumës së lartë që kërkon Porto për portugezin, dhe që arrin shifrën e 40 milionë eurove.

Sipas kësaj gazete, Mourinho ngadalë është duke u kthyer kah një cak i ri, lojtari i Valencias, David Silva.

Spanjolli ka një talent të padiskutueshëm dhe pati një paraqitje të shkëlqyeshme në Euro 2008, ndërsa edhe transferimi i tij do të ishte dyfish më i vogël se sa kërkon për momentin Porto për Quresman.

Por, një transferim i tillë nuk do të jetë i lehtë për t’u realizuar, pasi që Valencia nuk dëshiron që të lirohet nga ylli i saj, ndërsa situatën e tij e përcjellin edhe dy gjigantët spanjoll, Barcelona dhe Real Madrid.

Gilberto Silva në Panathinaikos
Gilberto Silva gjatë javës së ardhshme do të zbulohet si lojtar i ri i Panathinaikosit, pasi që Arsenali pranoi ofertën prej 1 milionë funteve nga gjiganti grek.
Menaxheri i topçinjve, Arsene Wenger, është pajtuar ta lejojë brazilianin fitues të Kupës Botërore, të largohet nga Emirates pas periudhës së shkëlqyeshme gjashtëvjeçare.

The Sun ka shkruar se marrëveshja është arritur në mes dy klubeve dhe Gilberto, 31-vjeçar, do të nënshkruajë kontratë trevjeçare me ekipin e ri të holandezit, Henk Ten Cate.

Gilberto, i cili ka refuzuar Evertonin për t’iu bashkuar ekipit grek, arriti në Arsenal nga Atletico Mineiro pas Kupës Botërore 2002 dhe fitoi dy Kupa FA dhe një titull Premierlige me klubin.

Zyrtare: Mancini nenshkruan per Interin

Ai ka nenshkruar kontratë 4 vjecare

Arsenal ofertë befasuese për Xabi Alonson
Klubi i Premierligës, Arsenali, është duke synuar një ofertë befasuese për mesfushorin spanjoll të Liverpoolit, Xabi Alonso.
Siç ka shkruar The Sun, spanjolli pritej të kalojë në Juventus, por kjo tentativë ka dështuar, megjithëse tashmë në sulm të tij është lëshuar Arsenali.

“Nëse vendimi i mbetet Xabit, ai do ta bënte lëvizjen pasi që stili i Arsenalit, është perfekt për të”, ka thënë një burim i afërt me Alonson.

Barcelona shpjegon arsyen e shitjes së Ronaldinhos
Drejtori sportiv i Barcelonës, Txiki Begiristain, ka shpjeguar vendimin për të shitur yllin brazilian, Ronaldinhon.
“Është vetë lojtari ai i cili në fund vendos se ku do të luajë. Si klub mund të pranojmë nga 40 oferta të ndryshme, por në fund shihet dëshira e futbollistit. Marrëveshja u arrit pasi që Ronaldinho hoqi dorë nga e drejta e tij për të marrë 15% të shumës së transferim”, ka thënë Begiristain.

“Jemi të kënaqur nga kjo marrëveshje, pasi që të tria palët janë pajtuar. Shuma të cilën do ta fitojnë është relativisht e mirë, ndërsa edhe lojtari do të largohet i kënaqur”, ka shtuar drejtori sportiv.

Sipas raporteve të fundit, thuhet se Barcelona do të fitojë 21 milionë euro, ndërsa edhe 4 milionë euro në varësi të paraqitjeve të lojtarit.

Baptista pëlqen Romën
Agjenti i lojtarit të Real Madridit, Julio Baptista, ka thënë se klienti i tij është i gatshëm të transferohet në radhët e Romës.
Braziliani është cak i romakëve, të cilët janë në kërkim të një sulmuesi të ri. Baptista kurrsesi nuk mund të gjejë formën e vërtetë të tij në Bernabeu dhe ka shumë pak raste për paraqitje.

Pas spekulimeve të mediave italiane, se Roma është duke përgatitur një ofertë të vlefshme 15 milionë euro për shërbimet e Baptistas, është deklaruar agjenti i tij, i cili thotë se edhe lojtari dëshiron një kalim në Romë.

“Roma është një klubi madh i cili viteve të fundit luan shkëlqyeshëm edhe në Evropë. Madje edhe këtë sezon do të luajnë në Ligën e Kampionëve, andaj Roma është një destinacion i pranueshëm për Julion”, ka thënë agjenti i Baptistas.