Vata në “luftë” me Abramoviçin për yllin rus Bilyaletdinov

Rudi Vata e konsideron si një kulm të karrierës së tij. Në fakt, është befasuese. Një agjent shqiptar i FIFA-s menaxhon kapitenin e Lokomotivës së Moskës, Dinijar Bilyaletdinov. Mesfushori 23-vjeçari ishte një nga lojtarët e përfaqësueses ruse, duke luajtur 5 ndeshje. “Bilyaletdinov konsiderohet një nga yjet e rinj të futbollit rus dhe është i jashtëzakonshëm si mesfushor. Ka qenë po aq i kërkuar në treg sa dhe Andrei Arshavin e Roman Pavliçenko. Është fat që m’u besuan mua të drejtat e tij në Britaninë e Madhe, pasi Dinijar kërkohet nga Arsenali, Aston Vila e Bllekbërni”, - tha për Albania-sport.com, Rudi Vata, i cili e konsideron një arritje të konsiderueshme të kompanisë së tij “Vata Vision Football Management”. “Si duket diçka kam bërë, pëderisa ky lojtar më ka preferuar dhe më ka zgjedhur mua për ta menaxhuar në Angli”, shton Vata, i cili më parë ka realizuar edhe transfertën e skocezit Geri O’Konor te Lokomotiva e Moskës e ka njohje personale me drejtuesit e klubit moskovit. “Në Rusi kam kontakte më një numër të madh klubesh. Ishte familja e lojtarit që më bëri telefonatën, nuk i kam kërkuar. Më kërkuan të dinin nëse unë kisha mundësi të punoja për Bilyaletdinovin”.
Transferta e pritshme është në shuma të konsiderueshme, pasi vetëm Lokomotiva e Moskës kërkon të paktën 10 milion euro, ndërsa paga e Bilyaletdinov shkon deri në 2.5 milionë euro.
“Unë kam marrë të drejtat e transferimit të tij në Angli dhe klubet e interesuara kanë kontaktuar me agjencinë tonë dhe mua personalisht për të marrë informacionet e duhura, për detajet e kërkesat specifike. Bilyaletdinov është i dyti në listën e dëshirave të Arsenalit, dhe në momentin që trajneri Venger nuk do të mbyllë tratativat me të, atëherë i gjithë fokusi do të jetë mbi Bilyaletdinov”, -
“Roman Abramoviç (pronari i Çelsit) pas Europianit e takoi personalisht Bilyaletdinov dhe i kërkoi të shkonte te Çelsi, por lojtari ka dëshirë të shkojë te një skuadër ku mund të aktivizohet dhe të gjejë më tepër hapësirë, pasi shoku i skuadrës së tij, Ivanoviç, i cili u largua nga Lokomotiva e Moskës te Çelsi, gjatë muajit janar por luajti shumë pak. Kështu, që Bilyaletdinov kërkon një ekip ku mund të luajë nga java në javë”.
Vata ka transferuar disa lojtarë, shqiptarë e të huaj. “Vata Vision Football Management është një kompani që po zhvillohet, është rritur shumë e po punon në të gjithë Europën, -thotë ish-kapiteni i Kombëtares shqiptare e themeluesi i kompniasë. “Punojmë në Gjermani, Francë, Zvicër, Poloni, Bullgari, Ukrainë, Rusi, Itali e deri në Japoninë e largët. Klientela jonë po rritet vit pas viti, por prioriteti ynë është punojmë me lojtarë me kualitet, por dhe me karakter, që e duan futbollin dhe dëshirojnë të ecin”.
Në fillim të këtij viti Rudi Vata transferoi sulmuesin e Partizanit, Enco Malindin, te Slavia e Sofjes dhe mbrojtësin e Vllaznisë, Klodian Semina te Belasica po në Bullgari.
“Edhe mbrojtësi i Dinamos, Ditmar Bicaj e kaloi provën me Belasicën, dhe sipas drejtuesve të klubit brenda pak ditësh do të firmosë zyrtarisht kontratën. Trajneri i ri Belasicës e pëlqen shumë dhe ka folur me superlativa për të. Duke qenë se ka punuar në Turqi, bashkëpunëtori im Pavlo Panajotov më tha, se trajneri mendon se Ditmari mund të luajë në Turqi brenda një sezoni në një klubet më të mëdha që ka Turqia”.
Vata flet edhe Enco Malindin. “Bëri një paraqitje të pëlqyeshme me Slavian dhe për interesohen disa klube. Me Strasburgun në Francë bisedimet janë në fazë më të avancuar. Drejtuesit kanë parë disa DVD dhe besoj se brenda merkatos së kësaj vere Enco i ka të gjitha mundësitë të transferohet në kampionatin francez”.
Në listën “Vata” ndodhet edhe ish-sulmuesi tjetër i Partizanit, Arbër Abilaliaj. “Është në pritje të marrjes së vizës gjermane, e cila i është vonuar vetëm për arsye burokratike deri tani. Më 25 korrik, Abilialiaj do të fusë dokumentet dhe do të niset menjëherë për te Koblenci në Bundesligën 2”, - përfundon Rudi Vata, i cili po i jep dorën e fundit transferimit të sulmuesit Xhulian Rrudho te Lodzi në Poloni.

Shqipon Bektashi kerkohet nga Serbet

Shqiptari i parë qe doli kampion i Bundesliga për U 19, Shqipon Bektashi ( SC Freiburg ) , duke e mposhtur si mysafir ekipin vendas te VfL Wolfsburg 2:0-
golin e dytë e shenoj Bektashi.Ai në këtë sezon ka shenuar 7 gola në Kampionat dhe 6 në Kupe ( Ne finale u mposhten me penallti nga Borussia Dortmund ).
Ndeshja është transmetuar live ne DSF dhe ka pasur mbi 3 milion shikues pranë ekranit televiziv dhe ndeshjen e ka bashkëkomentuar Felix Magath- tranjer i VfL Wolfsburg.
Shqiptari me prejardhje nga Presheva, që ka arritur ketë vitë kalimin nga U 17 ne U 19. Pos, që është ne listen e Gjermaneve,- ai ka zgjuar interesimin edhe te Federates se Futbollit te Serbise.

Van der Vaart edhe një sezon tek Hamburgu
Real Madridi do të duhet të presë edhe një sezon për të angazhuar në radhët e veta Rafael Van der Vaart, pasi që holandezi deklaroi se në 12 muajt e ardhshëm dëshiron të vazhdojë të luajë në Hamburg.
Pas Euro 2008, Real Madrid shfaqi interesim për shërbimet e Van der Vaart, por duket se klubi spanjoll do të presë, pasi që futbollisti bëri të ditur se do të jetë pjesë e Hamburgut edhe për një sezon.

“Jam i gatshëm të luaj edhe për një sezon tjetër këtu”, ka qenë deklarata e fundit e holandezit. Më herët Van der Vaart kishte shfaqur publikisht dëshirën për të luajtur në Real.

Kenyon: Me Robinhon jemi duke biseduar, me Kaka jo
Drejtori ekzekutiv i Chelseat, Peter Kenyon, ka pohuar se klubi anglez është në negociata për të angazhuar Robinhon, por ka hedhur poshtë se blutë dëshirojnë të angazhojnë Kakan.
“Ne jemi në negociata me Madridin për Robinhon, bisedimet janë në vazhdim e sipër, afati kalimtar është ende i hapur dhe ne edhe më tej do të bisedojmë me Realin”, ka thënë Kenyon.

Por, ai ka hedhur poshtë spekulimet se Chelsea ka dërguar një mega-ofertë për mesfushorin brazilian të Milanit, Kaka.

“Nuk kemi dërguar ofertë. Edhe unë i kam lexuar ato lajme. Milani e ka bërë të qartë se Kaka nuk është për shitje, dhe ne jemi të qartë se nuk kemi dërguar ofertë. Nuk ka kuptim të negociojmë për diçka të cilën ata nuk dëshirojnë ta bëjnë, andaj nuk kemi dërguar ofertë”, ka përfunduar Kenyon.

Cech nënshkruan kontratë të re me Chelasean
Portieri çek, Peter Cech, i mbetet besnik ekipi të Chelseat, duke nënshkruar kontratë të re pesëvjeçare, me anë të së cilës do të mbetet në Stamford Bridge deri në vitin 2013.
26-vjeçari erdhi në Chelsea në vitin 2004 nga ekipi francez Rennes, dhe prej atëherë ka 115 paraqitje në katër sezone.

“Është krenari të jesh në një klub si Chelsea dhe jam shumë i lumtur që e vazhdova marrëveshjen. Chelsea është në zemrën time, jo vetëm për shkak të bashkëlojtarëve dhe njerëzve që punojnë këtu, por edhe për shkak të tifozëve fantastik”, ka thënë Cech.

Gudjohnsen mund të kthehet në Premierligë
Barcelona ka pohuar se Eidur Gudjohnsen është i lirë dhe mund të fillojë të kërkojë klub të ri, kjo do të thotë se islandezi ka shumë gjasa të kthehet në Premierligë.
Ish-sulmuesi i Chelseat, me siguri do të kthehet në Angli, pasi që Barcelona ia ka bërë me dije se ai do ta ketë vështirë të gjejë vend në formacionin e trajnerit të ri, Josep Guardiola.

Pasi që erdhi në Barcelona, nga Chelsea, Gudjohnsen gjithmonë mbeti nën hijen e yjeve të mëdha të klubit, si Samuel Eto’o, Ronaldinho, Lionel Messi dhe Thierry Henry.

Islandezi nuk arriti të përfshihet në ekipin e parë, ashtu që nëse dëshiron të kalojë më shumë kohë në fushën e gjelbër, mund të zhvendoset në ndonjë klub më të vogël.

Interesim më të madh për Gudjohnsen ka shfaqur ekipi i West Ham, dhe besohet se islandezi mund të pranojë një ofertë të këtij klubi. Së shpejti këtij klubi, pritet ti bashkohet edhe mesfushori kosovar, Valon Behrami.

Skolari: Drogba mbetet në Çelzi

Trajneri i Çelzit, Luis Felipe Skolari, ka hedhur poshtë zërat se sulmuesi i Bregut të Fildishtë, Didie Drogba do të largohet nga klubi, pasi është lënë jashtë turneut përgatitor në Azi. Sipas zyrtarëve të klubit londinez, Droga do të mungojë në këto përgatitje, për shkak të lëndimit të gjurit.
"Drogba do të mbetet në klubin tonë. Ai është futbollist që ka kontratë me ne dhe mendoj se është shumë i lumtur këtu. Shpresoj që kur të kthehet në skuadër, ai të jetë në gjendje të mirë. Ai momentalish vuan nga një lëndim në gju dhe stafi mjekësor i klubit po përkujdeset që ta aftësojë sa më parë për stërvitje dhe për lojë, pas tri apo katër javësh", ka theksuar Skolari.

Pele kritikon Uejn Runin

Legjenda e futbollit botëror, Pele, ka kritikuar sulmuesin e Mançester Junajtedit, Uejn Runi, për shkak të temperamentit të vrullshëm. Runi është i njohur si lojtar 'gjaknxehtë', kurse shembulli i fundit është ndëshkimi me karton të kuq në ndeshjen përgatitore me skuadrën jugafrikane, Kaise Çiefs.
"Më pëlqen Runi, por ai nuk e ka arritur nivelin më të lartë që pas Kampionatit evropian 2004. Ai ka pasur dy-tri edicione të mira, por më pas ka pasur rënie në formë. Nuk e di pse i ndodhi një gjë e tillë. Kur lojtarët kundërshtarë përballen me të, Runi duhet të mësojë se si të mbrohet, e jo t'i sulmojë fizikisht. Nëse mëson mirë se si të mbrohet në duele, atëherë më lehtë do të mund t'i kontrollojë edhe veprimet e tij", ka theksuar Pele.

Esien në Çelzi deri në vitin 2012

Ganezi, Mikael Esien (25-vjeç) do të qëndrojë te Çelzi deri në vitin 2012. Një marrëveshje e tillë është arritur ndërmjet mesfushorit ganez dhe klubit londinez.
Kushtet e kontratës janë përmirësuar, pasi drejtuesit e klubit janë tejet të kënaqur me paraqitjet e tij, kurse edhe vetë lojtari është i lumtur me kontratën e re. Esien ka ardhur në Çelzi në vitin 2005 nga Lioni, kurse deri më tash ka luajtur 91 ndeshje, duke shënuar 10 gola.

Messi merr numrin 10 të Barcelonës
Mediat spanjolle kanë shkruar sot se ekipi i Barcelonës planifikon t’ia japë fanellën me numrin 10, sulmuesit argjentinas Lionel Messi.
10-shja në Camp Nou ishte e rezervuar për superyllin brazilian, Ronaldinho, por ai tashmë nuk është lojtar i Barcelnës. Sport, ka shkruar se drejtuesit e klubit seriozisht janë duke menduar se kush do ta trashëgojë numrin 10.

Spekulohet se argjentinasi Lionel Messi është më afër marrjes së ish-numrit të Ronaldinhos. Një burim i afërt në Camp Nou, ka pohuar për gazetën se Messi është favoriti kryesor për 10-shen, por kjo do të vendoset në fund të përgatitjeve për sezonin e ri.

“Ende asgjë nuk është vendosur, por është më e pranueshme nëse Messi e merr fanellën me numrin 10, dhe jam i sigurt se të gjithë do të pajtohen me këtë”, ka thënë burimi.

Një grup mafioz tenton të blejë Lazion
Zyrtarë italian kanë pohuar sot se një grup kriminel i organizuar ka tentuar ta blejë klubin e Lazios përmes personave të tretë, duke shfrytëzuar para të cilat janë siguruar nga dhuna.
Policia italiane ka burgosur dhjetë persona në aksionin e quajtur “Fletët e thyera”, në të cilin ka zbuluar një grup kriminel, që dëshironte të ishte pronar i Lacios.

Pjesa më e madhe e personave të kapur janë nënshtetas italianë, të cilët janë me siguri pjesë të klanit Casalesi, por në mes tyre ka edhe nënshtetas të huaj.

Në vitin 2006, presidenti i Lazios, morri disa kërcënime për vdekje nga një grup tifozësh të klubit, të cilët supozohet se kishin tentuar ta trembnin atë për t’ia shitur klubin një grupi të udhëhequr nga ish-lojtari dhe presidenti, Giorgio Chinaglia.

Barcelona nuk dorëzohet për Trezeguet
Mediat spanjolle përcjellin lajmin se ekipi i Barcelonës edhe më tej është duke u përpjekur ta angazhojë sulmuesin e Juventusit, David Trezeguet.
Francezi pati një sezon të shkëlqyeshëm me fanellën bardhezi, ndërsa është ndër caqet kryesore të trajnerit të ri të katalunasve, Pep Guardiola.

Siç ka shkruar El Mundo Deportivo, edhe pse Juventus refuzon shitjen e Trezeguet, klubi spanjoll nuk dorëzohet në tentimin për të angazhuar francezin.

Kjo gazetë ka shkruar se Barca do të përpiqet ta realizojë qëllimin përmes sulmuesit të saj Thierry Henry, i cili do të duhet ta bind Trezeguet për një transferim në Spanjë.

Henry dhe Trezeguet kanë luajtur bashkë edhe në Monako në fillim të karrierave të tyre, ndërsa thuhet se Henry disa herë ka kontaktuar me mikun e tij me qëllim që ta bindë t’i bashkohet në Barcelona.

Malouda pranon të transferohet tek Roma
Mediat italiane kanë përcjellë lajmin se Florent Malouda është pajtuar për të kaluar në radhët e Romës dhe mbetet që dy ekipet të merren vesh për shumën e transferimit.
Trajneri i romakëve, Luciano Spalleti e dëshiron në radhët e veta lojtarin e Chelseat, dhe në të sheh zëvendësimin ideal për Amantino Mancinin, i cili kaloi në Inter.

‘Coriere dello sport’ ka shkruar se Roma tashmë ka arritur në kontakt me agjentin e lojtarit ndërsa edhe Malouda ka qenë i disponuar të transferohet në Romë.

Por mbetet pengesa më e vështirë, respektivisht marrëveshja për transferim në mes dy ekipeve, Romës dhe Chelseat.

Roma dëshiron ta angazhojë lojtarin si huazim njëvjeçar me opsionin që në verën e ardhshme marrëveshja e tij të blihet në tërësi.

Chelsea mohon ofertën për Eto
Ekipi i Chelseat ka mohuar se ka dërguar ofertë tek Barcelona për të marrë shërbimet e sulmuesit kamerunas, Samuel Eto’o.
27-vjeçari nuk është pjesë e planeve të trajnerit të ri, Josep Guardiola, dhe është në kërkim të një klubi të ri. Dje për Corriere dello Sport, Eto’o deklaroi se tek ai kanë arritur shumë oferta interesante dhe atë nga Chelsea, Tottenham dhe Inter.

Blutë nga Londra kanë mohuar deklaratat e Eto’o, duke thënë se nuk janë të interesuar për lojtarin. “Mohojmë se kemi dërguar ofertë tek Barcelona ose Eto’o”, ka thënë zëdhënësi i Chelseat.

Agjenti i Eto’o, po ashtu nuk e ka hedhur poshtë mundësinë që lojtari të mbetet në Camp Nou, edhe krahas spekulimeve të shumta për të ardhmen e tij.

Terry ende vuan nga humbja e penaltisë
Kapiteni i Chelseat, John Terry, ka thënë se ai ende vuan nga humbja e tmerrshme e penaltisë në finalen e Ligës së Kampionëve.
“Çdo mëngjes kur zgjohem është gjëja e parë që më bie në mend. Ende mendoj për të. Jam ende shumë i zhgënjyer, por sezonin e fundi thash se jam një njeri i madh dhe kam një karakter të madh dhe më takon mua të përballem me të”, ka thënë Terry.

Edhe portieri Petr Cech, i cili nënshkroi kontratë të re pesëvjeçare me blutë, është edhe një lojtar tjetër i Chelseat, i cili ka memorie jo të mira, pasi që ndihmoi Turqinë ta eliminojë Republikën Çeke nga Euro 2008.