Buffon: Këtë sezon do të luftojmë për tituj
Numri 1 i Zonjës së Vjetër, Gianluigi Buffon, është i bindur se biankonerët këtë sezon do të synojnë të fitojnë Ligën e Kampionëve si dhe Skudeton.
Pas dy viteve nga skandali Cialciopoli dhe rënies në Serie B, Juventus sërish është kthyer në garën më të madhe evropiane.

“Jam i bindur se do të luftojmë për titullin e Ligës së Kampionëve dhe të Serie A. Këto janë qëllime të cilat Juventus gjithmonë i ka pasur. Do të jetë një vit i gjatë dhe intensiv, andaj duhet të fillojmë përgatitjet dhe që tani të jemi në formën më të mirë, pasi që na presin kualifikimet për në Ligën e Kampionëve”, ka thënë Buffon.

Kaka në drejtim të Chelseat?!
Siç ka bërë të ditur këshilltari i mesfushorit brazilian, Leite Kaka, Lojtarit më i Mirë i Vitit i shpallur nga FIFA, ai dëshiron të kalojë tek Chelsea për një shumë rekorde të transferimit.
Sipas raporteve të mëngjesit të sotëm, Kaka, është subjekt i diskutimeve në mes të klubit të Premierligës dhe klubit aktual të brazilianit, Milanit, gjatë kësaj jave, me synimin e transferimit të tij për një shumë rekorde prej 100 milionë eurosh.

Klubi italian siguroi shërbimet e bashkëvendësit të tij, Ronaldinhos, me gjithë vështirësitë mirë të publikuara financiare, ndërsa asistenti personal i Kaka, Diogo Kotscho, është i bindur se të gjitha palët dëshirojnë një lëvizje të tillë.

“Real Madrid ofroi 90 milionë euro gjatë verës së kaluar dhe Milani as që mendoi për këtë. Kësaj here është ndryshe. Kjo është hera e parë që mendojnë se marrëveshja përfundimisht do të ndodhë. Për shkak të gjendjes aktuale në Milan, marrëveshja është e mirë për të gjitha palët”, ka thënë Kotscho.

“Një kalim i tij tek Chelsea do të rriste dukshëm përfitimet e Kakas, si dhe rreth 10% e transferimit që shkon direkt tek lojtari, e që janë afro 15 milionë euro. Chelsea është klubi i duhur për të tash. Blutë po ndërtojnë një ekip që mund të fitojë gjithçka”, ka shtuar ai.

Nëse Kaka do të kalonte tek blutë, ai do të ribashkohet me ish-menaxherin e kombëtares së Brazilit, Luiz Felipe Scolari.

Rekordin aktual për transferimin më të shtrenjtë e mban Zinedine Zidane, kur në vitin 2001 Real Madrid pagoi 46 milionë funte (aso kohe 76 milionë euro) për të nënshkruar me francezin.

Henry falënderon tifozët e Arsenalit
Thierry Henry i ka falënderuar tifozët e Arsenalit të cilët e kanë shpallur atë për futbollistin më të mirë në historinë e këtij klubi.
Në konkurrencë të Denis Bergkamp dhe Toni Adams, Thierry Henry fitoi më së shumti vota dhe ishte e zgjedhur për futbollist më të mirë të të gjitha kohërave nga tifozët e Arsenalit, të cilët kanë votuar në sajtin zyrtar të klubit.

“Falënderoj të gjithë ata që votuan për mua. Gjithmonë është krenari kur tifozët votojnë për ty, veçanërisht tifozët e Arsenalit, të cilët kanë një zgjidhje të madhe të futbollistëve të shkëlqyeshëm”, ka deklaruar Henry.

“Siç e dini, e dua kohën time të kaluar në Arsenal, kam shumë kujtime fantastike gjatë qëndrimit tim tetëvjeçar atje. Ishte nder të luaj me fanellën kuqe-bardh të Arsenalit, veçanërisht në Highbury”, ka shtuar francezi.

Henry arriti 226 gola me Arsenalin në të gjitha garat për një periudhë tetëvjeçare.

Refuzohet ankesa, Chambers jashtë Olimpiadës
Vrapuesi britanik, Dwain Chambers, ka dështuar sot në tentimin e tij t’i mbijetojë suspendimit nga Olimpiada, dhe nuk do të jetë në gjendje të garojë në Pekin.
Gjykata e lartë e Londrës, refuzoi të japë urdhër kundër urdhëresës së Asociacionit Olimpik Britanik, e cila i përjashton përgjithmonë nga lojërat keqpërdoruesit e dopingut.

Chambers në vitin 2003 doli pozitiv në kontrollin për doping, për të cilën arsye ishte suspenduar për dy vite, ndërsa Asociacioni Olimpik Britanik e dënoi atë me ndalim të përjetshëm nga pjesëmarrja në Lojërat Olimpike.

Përfaqësuesit ligjorë të Chambers kanë thënë se nuk do të bëjnë ankesë, ndërsa më herët patën thënë se nëse klienti i tyre e humb rastin, ai do të heqë dorë nga vrapimi. Por, vetë atleti nuk ka komentuar rreth planeve për largim.

Gilberto Silva në Panathinaikos
Gilberto Silva gjatë javës së ardhshme do të zbulohet si lojtar i ri i Panathinaikosit, pasi që Arsenali pranoi ofertën prej 1 milionë funteve nga gjiganti grek.
Menaxheri i topçinjve, Arsene Wenger, është pajtuar ta lejojë brazilianin fitues të Kupës Botërore, të largohet nga Emirates pas periudhës së shkëlqyeshme gjashtëvjeçare.

The Sun ka shkruar se marrëveshja është arritur në mes dy klubeve dhe Gilberto, 31-vjeçar, do të nënshkruajë kontratë trevjeçare me ekipin e ri të holandezit, Henk Ten Cate.

Gilberto, i cili ka refuzuar Evertonin për t’iu bashkuar ekipit grek, arriti në Arsenal nga Atletico Mineiro pas Kupës Botërore 2002 dhe fitoi dy Kupa FA dhe një titull Premierlige me klubin.

Formula 1: Hamiltoni shkëlqen në Gjermani
Ngasësi i Formula 1, Lewis Hamilton, ka tejkaluar shokun e skuadrës së tij tek McLareni, Heikki Kovalainen, si dhe Felipe Massan dhe Nelson Piquet, në xhirot e fundit të garës, për të triumfuar në German Grand Prix në Hockenheim.
Britaniku fitoi garën e dytë me radhë për të marrë kryesimin në tabelën e ngasësve, me katër pikë kryesim mbi ngasësin e Ferrarit, Felipe Massa, i cili përfundoi i tretë në garën për Çmimin e Madh të Gjermanisë.

Ngasësi i Renault, Piquet, aplikoi strategjinë me një pit-stop, për të siguruar podiumin e parë të tij në Formula një, pasi që arriti në cak i dyti. Kimi Raikkonen arriti në cak në pozitën e gjashtë, nga e cila edhe filloi.

Hamilton tash mbledh 58 pikë, derisa Massa 54. Raikkonen ka shtatë më pak se lideri (51), ndërsa Robert Kubica, mbledh 48 pikë në vendin e katërt.

Hleb: Cesc mund të më bashkohet
Alexandr Hleb, ka deklaruar se ish-bashkëlojtari i tij tek Arsenali, Cesc Fabregas, mund të ndjekë hapat e tij dhe të transferohet në Camp Nou në një të ardhme të afërt.
Hleb edhe njëherë e shfaqi kënaqësinë e tij që ka kaluar në radhët e Barcelonës, dhe falënderoi Wengerin për vitet e shkëlqyeshme të kaluara në Emirates Stadium.

“Fabregas më ka shpjeguar shumë gjëra rreth të kaluarës tek ky klub, ku ka luajtur së bashku me Pique dhe Messi. Ai vërtet e dëshiro këtë klub. Sot ai është lojtar i Arsenalit, por kush e din çfarë mund të ndodhë në të ardhmen”, ka thënë Hleb për televizionin e Arsenalit.

“Ëndërroj të luaj me Barcelonën që nga mosha 7-vjeçare. Jam i kënaqur nga transferimi dhe dua ta jap më të mirën nga vetja për këtë klub. Nuk më pengon të luaj në cilëndo pozitë, pasi që Wenger më ka mësuar mirë të luaj në gjithë fushën”, ka shtuar bjellorusi.

CSKA Moska kërkon Mancinin
Ish-trajneri i Interit, Roberto Mancini, ndoshta mund ta vazhdojë karrierën e tij në Rusi, me ekipin e CSKA Moskës.
Trajneri italian është i papunë që nga maji, pasi që u shkarkua nga presidenti i Interit, Massimo Moratti.

Televizion rus, Sport, sot ka thënë se drejtuesit e CSKA Moskës tashmë kanë rënë në kontakt me Mancinin dhe i kanë ofruar mundësi të drejtojë këtë klub.

Trajneri aktual i CSKA, Valeri Gazaev, tashmë ka deklaruar se në fund të sezonit do të largohet nga klubi, ndërsa sezoni i ri në rusi fillon në muajin mars.

Barcelona dhe PSG interesohen pёr Gallas
Sipas informatave tё sotme, Barcelona dhe PSG, seriozisht janё tё interesuar pёr kapitenin e Arsenalit, Wiliam Gallas.
Josep Guardiola dёshiron ta shohё atё nё Barcelona, ku luajnё edhe dy ish-lojtarё tё tij, Thierry Henry dhe Alexadr Hleb. Guardiola mendon se Gallas ёshtё njё prej mbrojtёsve tё qendrёs mё tё mirё nё botё.

31-vjeçari pёr shkak tё viteve tё tij, do tё kushtonte rreth 5 milionё funte, qё e bёn atё atraktiv edhe pёr ekipin e Paris Saint German.

Pato: Me Dinhon do tё fitojmё gjithçka
Sulmuesi i ri i Milanit, Alexandre Pato, thotё se sё bashku me bashkёvendasin e tij, Ronaldinhon, mund ta fitojё Olimpiadёn, Skudeton dhe Kupёn UEFA.
“Me kёtё ekip qё kemi mund tё fitojmё gjihtçka. Kaka dhe Ronaldinho janё lojtarё tё shkёlqyeshёm dhe do tё kenё njё rol kyç nё Milan, plus ata luajnё nё pozita tё ndryshme”, ka thёnё Pato pёr Gazzetta dello Sport.


“Ronaldinho pёlqen tё luan nё pozitat anёzore dhe ta zgjerojё lojёn, derisa Kaka e bёn tё njёjtёn, mbetet vetёm tё mё dёrgojnё topa nё qendёr dhe unё tё arrij gola. Lehtё apo???”, ka shtuar Pato.

Milani hedh poshtë mundësinë e shitjes së Kakasë

Drejtuesit e Milanit e kanë mohuar mundësinë e kalimit të yllit të skuadrës së tyre, brazilianit Kaka, në radhët e Çelzit. Sipas mediave angleze, skuadra nga Londra ka përgatitur ofertën rekorde prej 100 milionë eurosh për blerjen e futbollistit 26-vjeçar, por zyrtarët e kuqezinjve shpejtë dhe në mënyrë të prerë e kanë mohuar mundësinë e këtij transferi.
"Kaka absolutisht nuk është në shitje”, thuhet në kumtesën zyrtare të klubit nga “San Siro”. Këshilltarët e futbollistit brazilian kanë deklaruar se ai me dëshirë do të kalonte te Çelzi, ndërsa pas transferimit të Ronaldinjos te kuqezinjtë, largimi i Kakasë do të ishte i arsyeshëm, ndërkohë që edhe vetë futbollisti, i cili aktualisht gjendet në pushime në Brazil, nuk e ka përjashtuar këtë mundësi. Megjithatë, përgjigjen vendimtare në këtë dilemë e kanë dhënë zyrtarët e Milanit me kumtesën e tyre. Me skuadrën italiane Kaka ka kontratë deri në vitin 2013.

Vlera e mesfushorit të Le Mans, Stephane Sessegnon, është 5 milionë euro. Ai bashkë me Razak Omotoyossin (2 milionë euro) dhe Muri Ogunbiyi (1 milion e 400 mijë euro) përbëjnë treshen më të rrezikshme të Beninit, skuadrës me të cilën Përfaqësuesja e Kosovës do të përballet më 20 gusht në Zvicër

Formohen Federata e Softbollit dhe ajo e Triatlonit

Pasurohet koleksioni i sporteve në Kosovë
Të dy federatat kanë zgjedhur kryesitë. Njëra nga to, ajo e softbollit, madje ka aplikuar për pranim në Federatën Ndërkombëtare (ISF)

Berisha kthehet më i fortë

Mesfushori kosovar i Burneleyt i jep fund pauzës njëvjeçare
Në ditët më të mira të tij, Besart Berisha pati lënduar gjurin në miqësoren Shqipëri-Maltë. Kosovari 22-vjeçar nuk ka luajtur gati një vit. Ai për këtë kohë nuk ka arritur të debutojë as në skuadrën e tij angleze, Burnley. Tash është
i gatshëm t’i kthehet frontit

Arabia Saudite dhe Benini, kundërshtarë të Kosovës

Më 20 dhe 24 gusht, në Zvicër, Përfaqësuesja e Kosovës i luan dy miqësore
Përfaqësuesja e Arabisë Saudite nuk është e panjohur për Kosovën. Vitin e kaluar, të përzgjedhurit e Edmond Rugovës patën fituar në miqësore me 1:0. Arabia disa javë pas humbjes arriti në finale të Kupës së Azisë dhe tash mban vendin e 49-të në renditjen e FIFA-s. 50 vende më poshtë rangohet Benini, skuadra që ka nëntë
futbollistë që luajnë në Francë, tre prej tyre në Ligën e Parë